O Pontevedra Fútbol Gaélico impúxose con autoridade por 4-5 (17) a 8-8 (32) ao Uvigo FG na noite do mércores.
Nun Campo de Cerqueiras en boas condicións, os da cidade do Lérez fixeron valer a súa intensidade defensiva e velocidade no ataque para levarse un partido disputado na primeira metade, e de clara superioridade verde na segunda.
Aínda así, os constantes erros na finalización dos visitantes permitiron que os de Vigo se achegasen no marcador mantendo a igualdade até o comezo da segunda metade, cando xa si, os de Pontevedra fixéronse co control e se mostraron superiores até o final.
Esta victoria sitúa aos pontevedreses quintos na clasificación, a falta de unha xornada para o remate, con opcións de obter a cuarta praza, e dalles moral para afrontar o duro Campionato Ibérico que este sábado disputarán na Estrada.
Ningún comentario:
Publicar un comentario